Thursday, May 25, 2017

मजा फागु के

देशी भेल विलुप्त, विदेशी-
सेहो नगर स' विला गेलै ।
मजा फागु के लेबे करबै
भांगे स' जग हिला देबै ।।
भोरे स' सिलौट-लोढ़ी ल'
रगरम-रगरा मचा देबै ।
सुकना, बुधना, लखना आबै
हुड़दंगी के मजा लेबै ।।
रस्ता सबके घिना देलक सब
बचल ने कत्तौ कादो-थाल ।
होरी मे मदमस्त भेलै सब-
कूदि-फानि छै हाल-बेहाल ।।
पठशल्ला पर धूम मचाक'
गली-कूची के धंगतनि आइ ।
ब्रह्म बबा के रंग लगेलक,
डिहबारो के रंगतनि आइ ।।
बैर बिसरतै गला मीलिक'
हँसतै-गेतै सब मिलि आइ ।
कुस्ती-ररधुम्मस सब करतै,
रंग मे डुबतै सब मिलि आइ ।।

Wednesday, May 24, 2017

सूक्ष्म आ स्थूल

रूप दू टा वस्तु सबहक
शूक्ष्म आ स्थूल बूझी ।
ज्ञानमार्गी शूक्ष्म, मार्गी-
कर्म के स्थूल बूझी ।।
बात, विस्तृत-शूक्ष्म सनके
द्वैत आ अद्वैत भ' गेल ।
भक्ति मे अछि द्वैत, जखने-
एक भेल अद्वैत भ' गेल ।।
कृपें ईशक ऐल सद्गुण,
सद्गुनें आबैछ भक्ति ।
भक्ति स' हो ज्ञान, ज्ञानक-
वृद्धि स' बाढ़ैछ भक्ति।।
शूक्ष्म आ स्थूल मे नै                                                                                                                                         भेद विग् जन किछु बुझै छथि।                                                                                                                             एक बिनु आकार के आ-                                                                                                                                 
अपर साकारे रहै छथि।। 

तजू मिथ्या ज्ञान,  हम नै-
 देह, शुद्धे आतमा छी I
जखन अप्पन गेह उर मे,
हमहिं त' परमातमा छी  II

परी(2)


जूडो मे ऑरेन्ज बेल्ट-
गणितहुँ मे सबके पढ़ा देली ।
जिम्नास्टिक मे कूदि-फानि क',
सब चटिया के हरा देली ।।

                                                                                                                                                                           लुत्ती छथि पोती हम्मर                                                                                                          ई हारब नै सून' चाहथि।                                                                                                       धक्का-धुक्की सब छन्हि माफे                                                                                                जीत मुदा होमक चाही।। 
खेल-कूद मे मोन लगै छनि                                                                                                                               टी भी के छोड़थि ने कखनो।                                                                                                                               मोन रमल छनि आइ-पैड मे                                                                                                                                 संग ओकर छोड़थि ने कखनो।। 
भोजन मे कनियो ने रुचि छन्हि                                                                                                                              दूध-दही नै नीक लगै छनि।                                                                                                                               आम अंचारो रुचिगर हुनका                                                                                                                                   सुप्पी नूडल नीक लगै छनि।।
रुस'-फुल' मे औव्वल छथि ई                                                                                                                            बौंस' के चाभी हम जनलहुँ।                                                                                                                       बात हमर मानब जँ नै त'                                                                                                                                    पटना के रस्ता हम धरलहुँ।।    

होली मिलन 2017

No automatic alt text available.Image may contain: 2 people
Image may contain: one or more people and text
कल्ह ऑस्टिन के बरसानेधाम गए । कृपालु महाराज के इस आश्रम में होली मिलन का आयोजन किया गया था । राधाकृष्ण की भव्य मूर्तियों को खूब सजाया गया था । कलाकारों द्वारा ब्रज-होली गीतों पर सुन्दर प्रस्तुतीकरण किया गया । राधाकृष्ण के विभिन्न होली गीत एक वरिष्ठ साधिका द्वारा आगे आगे और दर्शकों द्वारा पीछे पीछे गाए गए । उन गीतों पर श्रोताओं द्वारा खूब नृत्य किए गए । एक साधक द्वारा होली मनाने के उद्देश्य और पृष्ठभूमि पर महत्वपूर्ण प्रकाश डाला गया । बाद में खुले में होली खेला गया । भारत में बरसाने/ वृन्दावन की होली खेलने/ देखने का सौभाग्य तो नहीं प्राप्त हुआ है लेकिन अमेरिका के इस होली में ब्रजकी होली का साक्षात् दर्शन हुआ । होली के बाद विभिन्न प्रकार के व्यंजनों का लुफ्त उठाया गया । अहा! आनंद!आनंद!                                 

Image may contain: 7 people, people smiling, people standing and outdoorहोली रंग मे रंगल जगत
स्वागत वसंत मे लागल सब छथि ।
भेद-भाव सब क्यो बिसरल

Tuesday, May 23, 2017

इनग्राम पार्क मॉल

Image may contain: 4 people, people smiling, people standingImage may contain: table and indoor
काल्हि सैन एंटोनियो के इनग्राम पार्क मॉल गेल रही । 2000 गाड़ी लगाब' जोग विशाल पार्किंग एरिया, बड़का-बड़का विभिन्न प्रकारक लगभग 150 दोकान, लगभग 20 टा दोकान अत्यंत विशाल (5००'*400' साइज़) के छल हेतैक, बच्चा सबके खेलेबाक आकर्षक स्पेस, एक स्मॉल वर्ल्ड- दुनियाक सब वस्तु एकेठाम थोक मे उपलब्ध, दू स्टोरी के विशाल भव्य मॉल मोन के मोहि लेलक । मीठीक कान सेहो ओतहि छेदैल गेलनि-आधुनिक तकनीक-दर्द विलकुल नै भेलनि ।

अमेरिकाक फगुआ

होली बहुतो बेर खेलेलहुँ,
थोड़-बहुत मोन के भाबै छल ।
ऐ बेरक आनंद मुदा नै,
आन बरख कहियो आबै छल ।।
नैसर्गिक आनंदक तुलना,
भौतिक सुख नै द' सकैत अछि ।
वृन्दावन-बरसाने धामक-
परतर किछु नै क' सकैत अछि ।।
कृष्ण-कन्हैया स' जे जुड़ि गेल,
तकरा भौतिक सुख की भायत ।
जे सुख, सागर-दरस-परस मे,
से की छुद्र कूप दय पायत ।।
भारतक राधाक नगरी 
एखन तक नै जा सकल छी।                                                                                                                                   मुदा से आनंद हम सब                                                                                                                               अमरिका मे पा रहल छी ।।  

फ्रेडरिकवर्ग गाँव

Image may contain: one or more people, people standing, plant, tree, flower, grass, house, outdoor and natureImage may contain: one or more people, tree, sky and outdoorआज हमलोग फ्रेडरिकवर्ग गाँव गए ।
वहाँ एक भव्य सुसज्जित आधुनिक बाजार है । एक छोटे से बाजार को सजाकर पर्यटन केंद्र कैसे बनाया जाता है कोई इनसे सीखे । फ्लावर प्लेस में हजारों एकड़ खेत में फूलों की खेती अद्भुत दृश्य उत्पन्न करते हैं I हमलोग फूलों के बीच में घूमने गए I चारों तरफ फूल ही फूल ! फ़िल्मी दृश्य का आनंद वर्णनातीत था I खेत में से स्ट्रा बेरी स्वयं तोड़कर आवश्यकतानुसार खरीदना अनुकरणीय है । खेतों के फूलों को गमला में लगाना/ मधु का निर्माण करना / खेत में गमलों का मार्केट, खानपान का मार्केट, कृत्रिम झड़ना, पानी का श्रोत, मछली पालना एवं अन्य बहुत सारे एन्टिक्स पर्यटकों को बरबस आकर्शित करते हैं, हमलोग भी अपने क्षेत्र में जमीन की व्यवस्था कर अनुकरण कर सकते हैं ।

कैनियन लेक डैम

Image may contain: one or more people, tree, plant, shoes, outdoor, nature and waterआइ कैनियन लेक डैम गेलहुँ । रिजर्भ्वायर आ डैम एरिया के चारू कातक सजावट/ ठहरवाक व्यवस्था मोन के मोहि लेलक । अपना ओइठामक एक स' एक डैमक दुर्गतिक वर्णन करवाक जरूरति नहि ।
Image may contain: 2 people, people standing, ocean, sky, mountain, child, outdoor, nature and waterImage may contain: 1 person, standing, cloud, sky, outdoor and natureतत्पश्चात् पेडरनालिस फॉल गेलहुँ, देखिक' दिल खुश भ' गेल । ऎ स' सुन्दर झरना पुरान बिहार मे हुंडरू, दशम इत्यादि छल मुदा पर्यटक के आकर्षित करक कोनो व्यवस्था नै, प्रशासन कमजोड़ आ असुरक्षा के माहौल । एत' स' सीख ल' क' हम सब अपना ओइठामक प्राकृतिक स्थल के सजा सकै छी आ पर्यटक के आकर्षित करक व्यवस्था क' सकै छी ।

Monday, May 22, 2017

गाम

गाम मे ब'रद एको नै
धेनु बांचलि नाम मात्रे ।
ह'र-पालो भूतकालक
महिष सेहो नाम मात्रे ।।
दूध के लेल सुधा डेरी
दही, घी लेल वैह आशा ।
साग-सब्जी हाट पर स'
आन सब शहरेक आशा ।
रामलीला ख़तम भ' गेल
नाटकक नै नाम कत्तहु ।
मनोरंजन करय टीभी
यज्ञ के नै नाम कत्तहु ।।
जूरसितलक पानि संगहि
मल्ल-युद्धो बिला गेलै ।
गामघरक टाइल-पुल्ली
संगहि कबडी बिला गेलै ।।
पंडितक प्रवचन कतहु नै
वेद के पाठो विदा भेल ।
बंद भेल संध्याक वंदन
गायत्री, तर्पण विला भेल ।।
पराती गायन विला गेल
घूर-गप नामो ने सूनी ।
दलानो अंगना मे सटिगेल
पाहुनक नामो ने सूनी ।।

पिता

बाल्यकालक मित्र एकटा
आइ टावर पर भेटेला ।
छला रिक्शा के चलाबैत
दौडिक' ओ पकड़ि लेला ।।
हाइ इस्कुल के संगी ओ
गरीबी मे दिवस बितबथि ।
बाद मे ओ पढ़ि ने सकला
श्रमक बल पर गुजर चलबथि ।।
गप्प बहुतो भेल, पुत्रक-
लेल बापक भाव देखलहुँ,
' पुत्र के बहुते पढेबै,
हम भलेही पढ़ि ने सकलहुुँ ' ।।
विश्व के सब पिता सबदिन
सुतक लेल ई भाव राखथि ।
जे ने अपने पाबि सकला
पुत्र स' से लाभ चाहथि ।।
पुत्र लेल ई भाव लखिकय
लेखनी सैल्यूट मारय ।
पुत्र हो सर्वोच्च, यद्यपि-
स्वयं रिक्शा के चलाबय ।।
पुत्र के कर्तव्य थिक जे
पितृऋण के याद राखय ।
अपन सुख के त्याग क' क'
पितृ सेवा प्रथम जानय ।।

करत सेवा पुत्र कतबो
सधा ने पित-ऋण सकै अछि I
सीस दैयो क' ने क्यो सुुत 
उरिन कहियो भ' सकै अछि II

काव्य लेखन

काव्य लेखन अति कठिन थिक,
मुदा जे अभ्यास करतै ।
लिखेतै किछुओ त' निश्चय,
लेखनी निज काज करतै ।।
दुःख मे निकलैछ कविता
द्रवित उर कविता करै छै ।
वेदना मे काव्य रूपेँ
नयन स' सरिता बहै छै ।।
आदिकवि के दृष्टि जखने
क्रौञ्च-युग्मक बध देखै छनि ।
हृदय हाहाकार मचि गेल
पहिल काव्यक रूप लै छनि ।।
सत्य-दर्शन संग सुख संतोष दात्री,                                                                                                                  जीवनक अनुभूति रचना जे कराबय।                                                                                                                  शब्द अर्थक मेल सुन्दर अर्थ धारी,                                                                                                                        दैछ रस-अनुभूति कविता से कहाबय ।।
युगक दर्शन, मानवक गुण के प्रतिष्ठा,                                                                                                          अलौकिक रसधार, शिव सौंदर्य लाबथि।                                                                                                                    चेतना नव देथि सकल समाज के ओ,                                                                                                               काव्य आनंदक सही रस्ता देखाबथि।।  

    

स्वयं पर हो आस जकरा

स्वयं पर हो आस जकरा
निराशा नै भेटय तकरा।
आन पर जे आस राखय
पूर नै हो आस तकरा।।

अपन भुज मजगूत जक्कर
धरा-सबसुख-लाभ तकरा।
आलसी आ अकरमन थिक-
बोझ, नै सुख-लाभ तकरा।।

पाथड़क सम मांसपेशी,
लौहसम भुज-उभय जिनकर।
लहड़ि आगिक नाड़ि  मे हो
सफलता दासी हो तिनकर।।

धरनि-रक्षा क' सकय जे
धार-असि पर चलि सकै अछि।
मृत्यु जक्कर चरण-दासी
गिरि सिखर स' कुदि सकै अछि।।

भीम सम हो गदाधारी
धनुष-बेधन पार्थ सम हो।
राम-मर्यादा, आ योगी-
श्वर कन्हैयालाल सम हो।।

            

सत्य केवल आत्मसुख थिक

राम नामक मोट सिक्कर मोन-गज के सूंढ़ मे-
लगेबै जखने त' ओक्कर हिलब हे'तै बंद चट स' ।
आन बस्तु पकड़ने बिन सिक्करे के पकड़ि राखत,
ओकर चंचलता बिलेतै, हैत ओ एकाग्र झट द' ।।

तत्त्व एक्के रहय सब मे ऐ जगत मे, 
देल किछु ज' आन के अपने के दै अछि।
सत्य ई बुझि गेल क्यो, त' अपन सब किछु-  
आन के देने बिना नहि रहि सकै अछि।। 

मोन निग्रह जकर भय गेल
से कतहु जा रहि सकै अछि। 
नम्रता जकरा मे बे'सी
अधिक अपने हित करै अछि।।

त्याज्य फेक' जोग जे कूड़ा आ कचड़ा 
गेह मे नै राखि ओकरा तुरत त्यागू।  
ह'म के छी बूझि गेलहुँ तखन चट स'-
जूटि तप मे , व्यर्थ के परपंच त्यागू।। 

सुख आ आत्मा भिन्न नै अछि,
स्वरूपे आत्माक सुख थिक। 
सुख ने किछु परपंच मे अछि,  
सत्य केवल आत्मसुख थिक।।          

Sunday, May 21, 2017

समभाव

इष्ट पर जे भार देल जै, जै प्रकारक जेहन जहिया,
बोझ सबटा भक्त सबहक उठा ओ सानन्द लै छथि । 
बुद्धिमत् यात्री ने मोटरी, माथ पर तैं धरथि कहियो,
गाड़िए पर राखि क', यात्राक अति आनंद लै छथि ।।

दुःख रहित स्थाई सुख सब लोक चाहय 
प्रेम सर्वाधिक स्वयं स' सब करै अछि।
प्रेम के ड़ि सुख हमर स्वभाव सदिखन 
जकर अनुभव सुषुप्तिहिं मे सब करै अछि।। 

नै प्रपञ्चक बात क्योजन करी कहिओ
टांग ने पर काज मे कहिओ अड़ाबी।
छिद्र यद्यपि कोनो जन मे रहय कतबो 
द्वेष नै करु आर ने रागे बढ़ाबी।।

दीघ्र जाग्रतता क्षणिक अछि स्वप्न देखब 
आर किछुओ भेद नै द्वय मे रहै अछि। 
जेना जाग्रत मे बुझाइ अछि असल सबटा
स्वप्न मे ताही सदृश सब बुझि पड़ै अछि।।  



Saturday, May 20, 2017

देशक स्वाधीनता

देश के स्वाधीनता क्यो
भीख मङ्गला स' ने दै छै।
अनगिनत सत्पुत्र के
बलिदान जबरन छीन लै छै।।

अहिंसें आजाद भेल अछि-
देश हम्मर जे बुझै छथि।
तिमिर आ अज्ञान मे से
अबुधजन एखनो घुमै छथि।।

मूर्ख नै अंगरेज छल जे
राज बसुधा पर करै छल।
मात्र हिंसक क्रान्ति टा स'
धूर्त इंग्लिश सब डरै छल।।

राजगुरु, सुक,भगत, खुदि, आजाद, बिस्मिल,
सुभाषक सम अनगिनत सुत स' डरायल।
धूर्त आ शैतान अरि सुटकाय नांगरि
जान आफत स' बचा निज घर परायल।।

जान स' बेसी ने प्रिय किछु होइछ जग मे
दुष्ट कहिओ प्रेम स' ने बात बुझय।
जखन पाला पड़य ओकरा बीस सबस'
तखन ओकरा लोक तीनू  तुरत  सूझय।।    

  
  

प्रेमक मूल

अहं-लालच प्रेम नाशय,
त्याग-स्नेहे खूब पनपय ।
समर्पण के मूलमंत्रक-
बलें प्रेमक गाछ जनपय ।।
प्रेम ने दूरी के बूझय,
रंग-रूपो के ने जानय ।
ह्रदय दू टा मिलल जखने,
पूर्णतः विश्वास मानय ।।
शशि बसय नभ, कुमुद जल पर
मुदा दूहुक प्रेम अविचल ।
चंद्र दर्शन होइत देरी,
तुरत जल पर कुमुद विकसल ।।
प्यार मे ने भय कथुक
ने जान के परबाह कनियो ।
फतिंगा दीपक लै देखू
प्रान देल, नै आह कनियो ।।
भ्रमर बैसल पुष्प पर आ
प्रेमवस बैसले ओ रहि गेल ।
कुसुम संध्याकाळ सकुचल,
मुदा अलि भितरे मे रहि गेल ।।
प्रेम अति, विश्वास दृढ, अलि-
तैं ने पँखुरि के कटै अछि ।
मुदा अन्हरोखे गजेंद्रक-
सूंढ़ भ्रमरक प्राण लै अछि ।।

करू प्रतिभा के ने कुण्ठित

पो'न ठेलुआ बड़द बल पर
घीचि सकबै शकट कतबा ?
दोख घिचनाहर के नै किछु
डाँड़ मे दम रहत जतबा ।।

अध्ययन मे जते सुविधा
होमय संभव दियनु सबके ।
फुजल प्रतियोगिताक खातिर
खूब नीके गढू सबके ।।

फे'र आयत फ'ल सुन्दर
नाम जग मे तखन करता ।
सकल क्षेत्रे प्रथम भ' क'
तानि सीना अपन चलता ।।

एखन प्रचलित प्रथा मे त'
लाभ बलगरहे ल' लै अछि ।
जे असल हकदार अइके
लाभ तकरा नै भेटै अछि ।।

देश आगाँ बढ़य तै लै
करू प्रतिभा के ने कुण्ठित ।
रेस मे जे रहय औअल
करू तै जन के ने बञ्चित ।। 

  



       

Friday, May 19, 2017

swaminarayan temple of San Antonio

We visited Swami Narayan Temple at San Antonio. Swami was born at Chhapaiya, UP on 03.04.1781 and worked at Gadhara Gujrat. He died on 01.06.1830. He is believed by followers as God. 

मातृ-शक्ति

मातृ शक्तिक हाथ मे छन्हि
वित्त विद्या शक्ति सबटा।
तखन ओ अबला कोना छथि
बुझि पड़य सब बात उनटा।।

जे थिकी मायाक रूपा
हुनक बस मे सब रहै अछि। 
ओ थिकी काली आ दुर्गा
मूढ़ जे अबला कहै अछि।।

जँ समवसर देल जै त'
सुत सुता स' हारि जायत।
कोन पुरुखक एते पैरुख
गर्भ उर मे धारि पायत।।

शक्ति जँ नै रहत जग मे
सकल नर ठठडी भ' जयता ।
शिव विना ईकार के त'
मात्र शव टा बांचि पयता।।

पालना के जे डोलाबथि 
जगत पर शासन करै छथि।
शिवाजी के बात सदिखन
भारतज पालन करै छथि।।  
    

चाइल-प्रकृति-बेमाय

वंशगत संस्कार लोकक
सगर जिनगी संग ठहरय ।
भले परिवर्तन हो जगहक
मुदा ओ किन्नहु ने बदलय ।।
दूर के ढोलक सोहनगर
जीव सबतरि वैह रहतै ।
वस्त्र-भूषा बदलि गे'ने
प्रकृति-लक्षण नै बदलतै ।।
दूर गे'ने लोक बुझय
व्यक्ति भ' गेल ख़ास तरहक ।
साँप झिंगुर मशक कूकुर
स'ब ठामक एकहि तरहक ।।
गाम मे रहिओक' बहुतक
सुसंस्कृत जीवन रहै छै ।
छुछुन्नर कत्तहु रहत, नै-
छुछुनरी कहियो छुटै छै ।।
घ'र मे जे सिखय शिशु
कालान्तरे सुदृढ़ बनै छै ।
चाइल-प्रकृति-बेमाय लोकक
स'बठाँ संगहि रहै छै ।।

आन्हर गुरु बहीर चेला

जानय ढोंढक मन्त्र नहिं
पनिया दड़ाड़क जहरि झाड़य।
ज्ञान मैट्रिक तक के नै छै
छात्र पी. जी. तक पढ़ाबय।।

एखन अनपढ़ गुरु सभक
भरमार दुनियाँ मे भेलै।
जखन गुरु अज्ञान मे छै
ज्ञान कत्त' स' देतै।।

गुरु छलै आन्हर बहिर शिष
गुड़ माँगथि त' माटि दै छै।
सीख अटपट भ' रहल छै
बात सब उल्टे करै छै।। 

बिगत बहुतो बर्ख स'
उत्पन्न गुरु शिष भ्रष्ट होइ छै।
एखन के शिष काल्हि के गुरु
नश्ल विलकुल नष्ट होइ छै।।

कुशल नेतृत्वक अभावें
पूर्ण दूषित सोच भेल छै।
छूति नै छै दूर दृष्टिक
रसातल मे देश गेल छै।।
     

विश्वगुरु

ए'क संन्यासीक डंका
शिकागो मे रहय बाजल ।                                                                                                                                   एक वक्ता केर पाछू                                                                                                                                         सकल धरती भेल पागल।।
पुनः एकटा अटल जनमल                                                                                                                                     देश के नवदिशा देलक।                                                                                                                                         राष्ट्र दुनिया भरि मे  फेरो                                                                                                                                 प्रतिष्ठा अति प्राप्त केलक।।  
वर्ष चौदह मे नरेन्द्रक                                                                                                                                         पदार्पण धरनी मे भेलनि।                                                                                                                                     नकारा सब रण स' भागल                                                                                                                                 पाप स' ओ त्राण देलनि ।।
एखन यू पी मे प्रबलतम
एक योगी पुनः जनमल ।
जकर घंटा केर ध्वनि स'
हृदय सब गुंडाक दहलल ।।
यती संन्यासी सब मिलिक'                                                                                                                                   देश के आगाँ बढेतै।                                                                                                                                             पुनः हम्मर देश एकबेर                                                                                                                                     विश्व के गुरुवर कहेतै।। 



धेनु मे सब देव निबसथि

आइ गोमाता के भेटलनि
प्रतिष्ठा सौराष्ट्र मे।
शीघ्रतहिं पौती प्रतिष्ठा
आब ओ भरि राष्ट्र मे।।

गुरु वशिष्ठक कामधेनुक
नाम जग मे सब जनै छथि ।
मात्र धेनुक बलें कौशिक-
सैन्य संग स्वागत करै छथि।।

नंदिनी धेनुक प्रतापें
दिलिप रघु सन पुत्र पायल ।
जाहि रघुकुल राम जनमल 
प्रतापी रघुवर कहायल।।      

कृष्ण धेनुक प्रबल पोषक
रूप चरबाहक ओ धायल।
बाललीला गाय संग भेल
नाम निज गोपाल पायल।।

दुग्ध धेनुक अमिय सम थिक
माय ओ सब मनुज के छथि।
गाय सबहक पूजनीया
धेनु मे सब देव निबसथि।  

मौलिकता

सोच सार्थक जखन हे'तै
जीवनो सार्थक भ' जे'तै ।
नेगेटिव सोचें ने कथमपि
जिंदगी सार्थक भ' पे'तै ।।
अंध अनुकरनें ने मौलिकता
कनिकबो लाबि पायब ।
अपन मन स' जँ करब
आत्मानुभूतिक स्वाद पायब ।।
तखन जे आनंद आबय
तकर वर्णन भ' सकय नै ।
सात जन्मो मे नकलची
मूल परतर क' सकय नै ।।
शूक्ष्म आ स्थूल दू टा
रूप सबटा वस्तु धारय ।
ठोस द्रव स्थूल, शूक्ष्मक-
रूप गैसक भेष धारय ।।
मूल हिरदय स' निकलिक'
मूर्तता धारण करै अछि ।
ईष्ट के स्थान उर थिक
शूक्ष्म स्थूलें अबै अछि ।।

हृदय के निर्णय हो उत्तम

हृदय के निर्णय हो उत्तम
सभक आत्मा केर घर ओ ।
मो'न ओत्तहि शांति पाबय
परम-आत्मा केर घर ओ ।।

सैह उत्तम भक्त अछि जे 
स्वयं के उर मे रखै अछि। 
ठाँव नै द' क' विचारक 
सतत आत्मस्थे रहै अछि।।

ईश अथवा गुरु मुक्तिक- 
मार्ग दिस इंगित करै  छथि। 
स्वयं बल स' तरय सब क्यो 
मुक्ति क्यो नै द' सकै छथि।। 

जन्म जखने हो विचारक 
नष्ट श्रोते पर करथि जे। 
चिन्ह लेशो ने जे छोड़थि 
असल बैरागी बुझू से।।

मोन एक्के होइछ सबके, शुभ-अशुभ- 
वासना द्वय जीव के बस मे रखै अछि। 
शुभक बस मे मोन शुभ सब लोक के      
अशुभ बस मोनो बुझू अशुभे रहै अछि।।

Thursday, May 18, 2017

फ्लेमिंगबर्ड्स

परसू चिड़ियाखाना घूम' गेल छलहुँ । बेसी जानवर अपने सबहक जू सदृश, किछु न'व छल- एंट ईटर, कंगारू आर बहुत रास अमेरिकन जीव जंतु । एकटा बड्ड नीक दृश्य देखल- जल मे बहुत माछ छलैक, फ्लेमिंगबर्ड्स के बैसक स्तम्भ जल स' ऊपर छलैक आ ओतहि ओकर भोजन छलैक । एकोटा पक्षी अपने नै ख़ाइ छल, जानि-बूझि क' सबटा भोजन नीचा खसा क' माँछ के खुआ रहल छल; जल मे स्तम्भक जड़ि मे माँछक झुंड जुटल छल भोजन लेल । ई प्रेम देखि मोन विभोर भ' गेल । काश! मनुक्खो सब अहिना करितै, अपने नै ख़ाक' अनका खुआब' मे आनंद पबितै ।

राम जँ नै जन्म लैतथि

राम जँ नै जन्म लैतथि
नाम मर्यादा ने सुनितहुँ ।
जानकी नै रमा होइतथि
पतिव्रता शब्दो ने सुनितहुँ ।।
भ्रातृ लक्ष्मण, भरत सनके
धरणि पर कहियो ने अबितय ।
जँ ने कपिवर दास बनितथि
जानकी के लाबि सकितय ?
जँ ने राघव बो'न जैतथि
हरण सीता के ने होइतय ।
दुष्ट राक्षस संग रावण केर-
बध किन्नहु ने होइतय ।।
यज्ञ, तप सबटा बिलैतै
सत्वगुण के नाश होइतय ।
सकल धरनी पर तमोगुण-
व्याप्त, असुरक राज होइतय ।

gruene village in San Antonio

काल्हि ग्रीन (Gruene) भिलेज गेल रही । ई गाम ग्वाडालूपे नदी के तट पर अवस्थित अछि । कोनो छोटो-छीन स्थान के सजाक' पर्यटक के आकर्षित केनाइ कियो अमेरिकन लोक स' सीखय । दस टा ठहर' के होटल, दस-बीस टा खै-पीब' के दोकान, पाँच-सात टा एन्टिक्स के दोकान, नदी मे हेलक लेल स्विमिंग बोट, गाड़ी के पार्किंग के व्यवस्था, बस यैह थिक ग्रीन गाम । लगभग 3 हजार गाड़ी के भीड़ देखि आनायासे भारतक कोनो प्रसिद्ध स्थान के आभास भ' सकैछ, मुदा ई एक सामान्य नदी के कातक गाम थिक । भारत मे ऐ तरहक हजारो हजार स्थान हैत मुदा उपेक्षित । ऐ ठामक लोक सब पाँच दिन खूब कठोर परिश्रम करैछ आ शनि-रबि क' खूब मस्ती । ताही के पूर्ति हेतु ऐ तरहक स्थान के सजाओल जाइछ आ पर्यटक के आकर्षित कैल जाइछ ।
काश, भारतो मे हम सब एकर नक़ल करितौं ! ओइ ठामक किछु चित्र-

तत्त्व एक्के रहय सब मे

ने कियो मित्रे ने रिपु क्यो
धरणि पर जनमैत अछि ।
मात्र व्यवहारे मनुज के 
दोस्त-अरि बनबैत अछि ।।

जखन एक्के तत्त्व सबटा 
जीव मे बिहरैत छै । 
तखन के भेल शत्रु ककरो 
एकहि सब मे रहैत छै ।। 

मात्र नाटक-पात्र सब क्यो 
' निदेश ' क आदेश पालय । 
विज्ञ बूझथि बात असली
अज्ञ ' हमही कैल ' भाखय ।।

जेना कनिया आर पुतरा
खेल बच्चा सब रचाबय ।
मनुक्खो संसार तहिना 
यत्न सँँ रंगिक' सजाबय ।। 

स्वप्नवत् संसार के बुझि 
मोह तजि क' रहू सब क्यो ।
भेटल जे प्रारब्ध स' अछि 
सैह सम्पन करू सब  क्यो ।।  
    

     
    

जूडसितल

चर-अचर-जड़ सकल जगतक
आइ प्रकृतिक दिवस आयल ।
सजल ठंढायल रहत, मन-
वर्षभरि रहतै जुरायल ।।
ज'ल थिक आधार जगतक
विन सलिल किछुओ ने संभव ।
बिना वारिक जीव दुर्लभ
जल-थलहुँ नभ मे असंभव ।।                                                                                                                                                                                                                                                                                                        खैब बसिया भात ब'ड़ी                                                                                                                                        जुड़ायब सब वस्तु जन के।                                                                                                                         खेलायब धुरखेल मिलिक'                                                                                                                               मिटायब सब मैल मन के ।। 
खबासक पोखरि मे पैसब                                                                                                                                 ज'ल झोंका मारि झगड़ब।                                                                                                                                 पुनः कुस्ती हेतइ कसिक'                                                                                                                                   पटकि प्रतिपक्षी के रगड़ब ।।   

जूरसितल

खबासक पोखरिक पानि-पानि                                    
याद पड़ि रहल अछि !
गामक सबस' पैघ
यैह पोखरि थिक
जाहि मे सम्पूर्ण गामक
लोक एक संगे
पानि-पानि खेलाइत छल,
एक कात उतरबारि टोल
दोसर कात दछिनबारि टोल
एक टोलक लोक
दोसर टोलक लोक के
हरदा बजाब' मे
लागल रहैत छल ।
तकर बाद
ब्रह्मस्थानक चौपारि पर
कुस्तीक आयोजन
दूनू टोलक जोड़ी सब
एक दोसर के पटकैत छल,
फेर बाबा पोखरि मे
स्वच्छ जल मे सब
स्नान करैत छल ।
घर जाय बड़ी-भात
तरुआ-तरकारी खा क'
दरबज्जाअ पर
हाहा हीही
आ फेर साँझ मे शिकार
आ ढेपा ढेपब्बलि!
याद पड़ैछ-
प्रातःकाल अन्हरोखे ऊठिक'
सब गाछ-बिरिछ के जड़ि मे
जल द' जुड़बैत छलहुँ,
घरक केबार, चौकी, पलंग
सब के पोखरि मे
डुबाक' नीक स'
रगड़ि-रगड़ि क'
साफ़ करैत छलहुँ-
उड़ीस, कीड़ा-मकोड़ा
सब साफ़ !
आब ने ओ रामा आ ने खटोला
सब बंद
ने पानि-पानि
ने कुश्ती ने शिकार
ने ढेपाउज
नीरस जीवन
ककरो स' कोनो मतलब नहि
अपना अपना खोली मे
सब दुबकल
समय काटि रहल अछि!

विश्वगुरु

पश्चिमक सब देश त' विकसित कहाबय
मुदा मोनक शान्ति लेल भटकैछ सबदिन ।
ह'म भौतिकता मे पाछू छी भलेही
विश्वगुरु स्थान पर चढ़बैक एकदिन ।।
पूर्व मे सेहो पढ़ेलिऐ पाठ ज्ञानक
जखन छल भटकैत ओ सब अज्ञता मे ।
वेद, उपनिषदक सिखाओल पाठ हमहीं
ज्ञान मानवताक संग देल सभ्यता के ।।
पुनः आयल अछि समय जे हम पकड़ि ली
अपन पूर्वज केर सबटा मार्ग ज्ञानक ।
गुरुकुलक शिक्षणक संगहिं ब्रह्मचर्या-
नियम प्राणायाम आसन पाठ ध्यानक ।।
अपन आध्यात्मिक बलें निश्चय बुझू जे
ज्ञान-विज्ञानक शिखर चढ़ि जैब एकदिन ।
अंध पश्चिम-अनुकरण के चालि त्यागू
पूर्बजक मार्गे स' गुरुपद पैब एकदिन ।।

नम्रता

दंड उद्दंडी के भेटल करय सबदिन,
पुरस्कृत नमता सतत विजयी बनै अछि ।
धार कातक झाड़ लबिक' रहय अविजित
तनल सीना गाछ सरिता मे बहै अछि ।।
वृक्ष फल के पाबिक' नमि जाथि सबतरि
जलद जल के भार स' भू दिस नमै अछि ।
गुणी गुण के पाबि अतिशय नम्र होबथि
शठ सुखायल गाछ किन्नहु नै नमै अछि ।।
दैव इच्छे धरा पर एकसरे अयलहु                          
करब हम प्रस्थान सेहो एकसरे ।
ईश स'अछि प्रार्थना जे भेट नै हो-
दुष्ट स', बरु रही सबदिन एकसरे ।।

दुष्ट नै लीबैछ सबदिन रहय अकड़ल
जँँ नमत त' कष्ट अतिशय दैछ सबके I
साँप धनु, मार्जार, अंकुश केर देखू
नमित यद्यपि कष्ट तद्यपि दैछ सबके II
साधु संगति इत्र विक्रेता सदृश अछि
जँ ने किछु दे'लक मुदा गमकाय दै अछि ।
दुष्ट संगति काजरक कोठली सदृश थिक
चलब कतबो बाँचिक' दगियाय दै अछि ।।

सौंदर्य

मात्र दैहिक सुनरता पर जे जेता
सतत पछतावाक संग खत्ता खेता ।
आतंरिक गुण के असल सौंदर्य बुझू 
से जे देखता सैह टा बुझनुक हेता ।।                                                                                                                         सुनरता नपबाक बहुतो विन्दु सब मे                              देह के सौंदर्य अतिशय बाद आबय।                           प्रेम, कोमल ह्रदय, वाणी सत्य संगहिं-                         मधुर, विदुषी, तीक्ष्ण बुद्धिक नाम आबय।।                                               

प्रकृति-रक्षण

प्रकृति के रक्षण जरूरी, मातृभूता-
थिकी आद्याशक्ति जगतक जन्मदात्री ।
जँ प्रदूषण नै नियंत्रित भेल, संकट-
मे फंसत सबजीव, आयत कालरात्री ।।
आउ पृथ्वी दिवस पर संकल्प ली जे-
आइ सब क्यो सहस्रो गाछी लगायब ।
पुनः धरणी के सजायब गाछ-वृक्षें
धरा के हम स्वर्ग स' सुन्दर बनायब ।।
पवन शीतल सुवासित बह मंद गतिएँ
स्वच्छ सरिता बहय कलकल अमिय जल स' ।
शस्य -श्यामल भूमि धन-धान्ये हो पूरित
सुशोभित हो बाग़-उपवन पुष्प-फल स' ।
सदाचारी पुत्र राघव सदृश जनमय
जानकी सन पतिव्रता हो दुहित सबहक ।
भ्रातृ लछमन-भरत सनके बनय सबके
प्रतापी कृष्णक सनक हो पुत्र सबहक ।।

जे सगर्वे याचना अधिकार बूझय

ख्यात एकटा उक्ति सहसा याद आयल-
'मरल अछि ओ लोक मांगक लेल चलि गेल ।
जनिक मुख स' नकारात्मक बोल निकलल
ओ बुझू जे याचको स' पूर्ब मरि गेल' ।।
उक्ति खगलाहाक लेल अछि ई ताहि कालक
जखन मांगब निम्नतम सब लोक बूझय ।
धूर्त पनपल अछि कतेको एखन जग मे
जे सगर्वे याचना अधिकार बूझय ।।
अपन ढ़ौआ सूदि पर लगबैत अछि ओ
वा ने कहियो बैंक स' ओकरा निकालय ।
काज अप्पन मांगिक' चलबैछ सबदिन
लाज कोनो गत्र मे ओकरा ने आबय ।।
चलल अछि लोभीक एक्खन वर्ग एकटा
अतिथि अयने पानि अस्सी मोन पडि जै ।
रहय नित खयबा फ़िराके मे ओ पामर
धरफरन द' खैक लेल निर्लज्ज अड़ि जै ।।
जखन आयत अहाँ घर, हँस्सी-खुसी मे-
डुबल पायब, मुदा पाला पड़ल देखबै-
जखन आहाँ जैब कहियो ओकर घर पर,
मौन सदिखन एको बेर हँस्सी ने देखबै ।।

कॉर्पस -कृष्टी समुद्री-बीच

पछिला शनि क' अमेरिकाक कॉर्पस -कृष्टी समुद्री-बीच जयबाक मौक़ा भेटल। प्राकृतिक सौंदर्य ऐ ठाम देख'बला  अछि। ई समुद्री तट टेक्सास राज्य में मेक्सिको खाड़ी पर अवस्थित अछि। पृथ्वीक सतह पर कतेको ठाम समुद्रक जल खूब भीतर तक प्रवेश केने छैक जे अति मनोरम लगैछ। कतेको ठाम दूनू भाग समुद्र आ बीच में फोर लेन रस्ता आ दूनू कातक सजावट मोन के बरबस आकर्षित करैछ। मुख्य बीच के अतिरिक्त पेड्रे आ मुस्टंग टापू देख' जोग अछि। दूनू टापूक  बीचक स्थान आ टापूक चारू भागक बीच मोन के मोहि लैछ।                                                                समुद्र तट पर प्रवासी पक्षीक समूह भरल रहैछ तथा समुद्री कछुआ खूब देख' में अबैछ। तट पर द्वितीय विश्वयुद्ध में उपयोग में आयल एयरक्राफ्ट केरिअर जहाज लागल अछि जाहि के अंदर पर्यटक सब घूमिक' आनंद लैछ। ऐ सबहक अतिरिक्त टेक्सास स्टेट एक्वेरियम, एक्वेटिक नर्सरी, शार्क प्रदर्शनी, नवल म्यूजियम, साउथ टेक्सास बोटैनिकल गार्डेन, इत्यादि अति आकर्षक अछि। यहॉं का पेट्रोलियम कारबार बहुत विशाल दिखाई दिया।                                                                                                                                                                 बीच के पास पानी की गहराई बहुत कम थी। छोटे-छोटे बच्चे खूब कूद रहे थे।  वाटर-बोट, सी स्कूटर पर बहुत सारे लोग समुद्री सैर कर रहे थे। बीच पर खाने-पीने का अस्थाई टेंट, धूप सेवन में लगे हुए पेयर्स बालू पर लेटकर खूब मज़ा ले रहे थे। हमलोगों ने बीच भ्रमण का खूब आनंद लिया। समुद्र खूब दूर तक जाने के लिए पाँच-सात फ़ीट चौड़ाई का स्टोन मैसोनरी का रास्ता बना हुआ था। इसकी लम्बाई करीब ७००'-०" होगी। हमलोग अंत तक गए। वहाँ लगभग ४५ मिनट बैठकर समुद्र की लहरों का हमलोगों ने खूब मजा उठाया। एक विशाल कछुआ हमलोगों के समीप ही डूबता और उगता रहा जिसे देखकर मेरी पौत्री खूब खिलखिला रही थी। जेलोफिश अत्यधिक तैर रहे थे। इंडियन रेस्टॉरेंट में हमलोगों ने भोजन का आनंद लिया और रात में घर लौट आये।