भालू-1

धोती-कुरता-टोपी धारी                                                भालू मीठिक घर आयल I                                                 रूप ओकर छै कारी धुद्धुर,                                             स्वेत वस्त्र सुन्दर लागल II

भालू लग मे दौडै जखने,                                                बच्चा सब झटपट भागै I                                                 नाच ओकर अलबेला छम-छम ,                                      मनभावन सबके लागै II

घर मे छन्हि नकली भालू पर,                                         तैयो ओ भयभीत रहै छथि I                                          आइ पडल पाला असली स’,                                                दादा पाछू नुका रहल छथि II

नाच ख़तम क’ थारी ल’ क’,                                                     सबस’ पैसा मांगि रहल अछि I                                       मीठी सेहो  देलनि पैसा,                                              मुदा ने तैयो मानि रहल अछि II

कतबो भगवथि मुदा ने मानल,                                             भोज बिना खेने नै जेतैन I                                            रसगुल्ला, लड्डू आ पेडा,                                           आइ एतय सबटा खेतैन II

रीछ-भालु के जुनि क्यो मारी,                                               छथि ई संग त’ हैब सफल I                                              हिनके सबहक बलपर रघुबर,                                              रावण पर जय पाबि सकल II