बाल्यकालक संस्मरण (1) :-
**********************
अपने लोकनि के बाल्यकालक
एकटा रोचक संस्मरण
सुनयबाक मोन भ' रहल अछि ।
हम पहिला किलास मे पड़हैत रही ।
इस्कूल पहुँच' मे विलम्ब भ' जाइत छल आ
प्रार्थना शुरू भ' जाइत छलैक ।
अगिला सीट
पहिले पहुँच'बला छात्र सब
छेकि लैत छल आ
हमरा सबदिन पाछू बैस' पड़ैत छल ।
किलास दस बजे शुरू होइत छलैक ।
पाछू बैस' पड़य तैं मोन खिन्न रहैत छल ।
एक दिन हमरा मोन मे
एकटा आइडिया आयल आ मोन प्रसन्न भ' गेल ।
अगिला दिन हम साते बजे भोरे जाक'
सबसँ अगिला सीट पर चुपचाप
अपन पाटी आ झोरी राखि देलहुँ आ
ख़ुशी मोन सँ गाम पर आबि गेलहुँ ।
10 बजे मे प्रसन्न-मन सीधे
प्रार्थना मे सम्मिलित भेलहुँ ।
खूब गदगद मोने
प्रार्थना के बाद सीट पर जाइत छी तँ
देखैत छी जे कोनो दोसर छात्र
ओइ सीट पर बैसल अछि ।
हमर झोरी आ पाटी ओत' नै छल ।
हम ताक' लगलहुँ मुदा नै भेटल ।
आइ आर बेसी उदास मोने पाछुए बैस' पड़ल ।
कने कालक बाद
अमात टोलक एकटा सज्जन
हमर झोला आ पाटी ल' क' पहुँचलाह आ
वर्ग-शिक्षक दिस मुखातिब भेलाह-
" मास्टर साहब,
आइ हम च'र सँ लौटैत छलहुँ तँ देखलहुँ जे
काल्हि कोनो छात्रक झोरी-पाटी
छुइट गेल छलनि,
हम घर पर ल' क' चलि गेलहुँ
जै सँ सुरक्षित रहि जाय ।
जिनकर होइन तिनका द' दियौन ।"
मास्टर साहब-" ककर छौ, ल' जो ।"
हम मुँह बिधुएने एलहुँ आ
एक छौंकी खाक'
झोरा-पाटी ल' क'
पछिला सीट पर जाक' बैसि गेलहुँ !!!!!☺️
**********************************
Casino Games Near Me - Oklahoma's Premier Gaming
ReplyDeleteThe Northwest's 맥스 88 premier entertainment destination, Casino Games at Oklahoma's 망고 도매인 Premier Gaming You'll find the 라이브스코어 사이트 largest and 텍사스 홀덤 족보 best gaming experience in the state 인터넷 바카라 of Oklahoma.