मर्मके भेदब उचित नहि ।

क्षणिक स्वार्थक लेल जे क्यो दैत छथि तकलीफ अनका । लाभ सांसारिक भले हो, पारमार्थिक हानि तिनका ।। खूब उत्साहें मनाबी, छोट खुशियोके सुअवसर । यएह सम्बल जीवनक थिक, कत' ताकब दीर्घ अवसर ।। अंत नै तृष्णाक अछि, संतोषके सुख होइछ उत्तम ।। भेटल जे प्रारब्धसँ, अछि- सैह सबहक लेल उत्तम ।। अहंता शैतान थिक जे बनाबय दानव मनुजके । नम्रता ब्रह्मास्त्र, बनबय- जे महामानव मनुजके ।। भले कतबो हो मतान्तर, मर्मके भेदब उचित नहि । पड़त गिठ्ठ', बादमे- लौटब त' कहियो मिटि सकत नहि ।। ******************************