पूजा-पाठ

जरूरी नै सतत पूजे- पाठमे लागल रही । रही जँ उपकार रत तँ सैह पूजा-पाठ थिक ।। सतत चिन्तन भूत वा ने भविष्येमे रही लागल । वर्तमानेमे रही जँ तँ सैह सबसँ नीक थिक ।। जुनि बुझी अन्हर-बिहाड़िक कुप्रभावे हो सतत । सतर्को राखैछ सबके, मार्गके साफो करय ।। विफलता सँ जुनि कनिकबो निराशाके भाव आबय । "आर कसगर प्रयासक अछि जरूरति" हो सोच मनमे ।। जुनि करी अनकर प्रतीक्षा अपन पैरुख तक लड़ी । हृदयमे धरि ईशके, भिड़ने सफलता भेटय निश्चय ।। **************???***??