खोज

छात्र खोजथि ज्ञान सदिखन,                                                उचक्का “ फंटुसइ “ खोजथि I                                        मूर्ख के ठक, दुष्टगण-                                            अपकार आ ‘ दुष्टइ ‘ खोजथि II

सतत निर्जन खोजथि योगी,                                      दातृगण याचक के खोजथि I                                    

पुलिस अपराधी खोजै छथि,

भीतगण रक्षक के खोजथि II

बुभुक्षित के जान भोजन, 

तृषित जल विनु परम व्याकुल I

प्रिया प्रिय के बाट ताकथि,

माय शिशु विनु परम आकुल II

धनिक ग्राहकगण के गनिका,                           

दाम के लोभी खोजै छथि I                                        वैद के खोजैछ रोगी,                                              तत्त्व के ज्ञानी खोजै छथि II